Naufragio baten ondorioz, Pi izeneko gazte bat,
txalupa batean tigre bategaz noraezean ibiliko da. Ekialdeko “Moby Dick” barri
honetan, naufragoaren helburua ez da balea harrapatzea, baizik eta tigrearen
atzaparretan ez jauztea, eta esperientzia honetatik bizirik ateratzea.
Baina, Piren
bizitza guztion bizitza da, eta bizitzan be “naufragioak” gertatzen dira;
transatlantikoaren ziurtasuna segundo bakar batean galtzen dogu batzuetan, eta
denbora gitxitan zeozer behar dogu ur gainean jartzeko, “arnasa hartzeko”,
zeozeri eusteko … (Goiari?)
Batzuk film
hau erlijiosoa dala esan dabe. Erlijioetan “harremanak” oso garrantzitsuak
dira. Gizakien arteko harremanak, geure buruarekiko harremanak, natura, eta
Jainkoagaz. Erlijioak (eta ateismoa, eta agnostizismoa be) errealitatea
interpretatzeko erak dira. Oso lagungarriak bizitzeko. Beharrezkoak. Ezinbestekoak
… baina subjektiboak eta oso pertsonalak. Baina ez kezkatu, filma ez da bat ere
“sesudoa”. Ez euki beldurrik. Oso atsegina eta ikusteko erreza da, baina
pentsaraziko deutsu.
La vida de Pik 4 oskar irabazi dauz 2013ko oskar sari banaketan (Aurtengo filmik sarituena izan da).
Gainera, Fox argitaletxeak dauan politikari esker, dvd-en ikusteaz gain blu-ray formatoan ikusteko aukera eukiko dozu. (Blu-raya dvdagaz
batera oparitzen dabe)
Niri “La vida
de Pi” gustatu jat. Baina egia esanda, berrikusi gura dot. Oraindik ez dot zuku
osoa atera eta.
iruzkinik ez:
Argitaratu iruzkina